Sveindís Jane er samningsbundin Keflavík en var lánuð í vor til Breiðabliks út keppnistímabilið. Hún mætti á Nettóvöllinn í dag og sá liðsfélaga sína fagna Pepsi Max sætinu. Sveindís segir að allt sé opið varðandi næsta tímabil og að Keflavík styðji hana í hverju sem hún gerir.
''Ég hef heyrt af miklum áhuga að utan.'' segir Sveindís Jane.
''Ég hef heyrt af miklum áhuga að utan.'' segir Sveindís Jane.
Lestu um leikinn: Keflavík 3 - 1 Grótta
Nóg er eftir af tímabilinu hennar hjá Breiðablik en staða hennar er sérstök þar sem nú koma Keflvíkingar til með að spila gegn Breiðablik í Pepsi Max deildinni á næsta tímabili og Sveindís samningsbundin Keflavík út það tímabil.
Miklar líkur eru þó á að hún komi til með að spila erlendis á næsta tímabili. Hún segist þakklát fyrir að vera með góðan umboðsmann sem getur hugað að þeim málum á meðan hún klárar tímabilið með toppliði Breiðabliks. ''Við erum loksins komnar í bílstjórasætið, þar sem við viljum vera.'' sagði Sveindís Jane eftir sigur Breiðabliks á Valskonum í gærkvöldi.
Nánar er rætt við Sveindísi Jane varðandi framhaldið í spilaranum að ofan.
Athugasemdir