Gylfi Þór Sigurðsson átti flottan leik á miðsvæðinu í kvöld þegar Ísland sigraði Moldóvu í undankeppni EM 2020 í kvöld.

„Við erum betra lið en þeir voru betri fyrstu fimmtán. Þeir hefðu auðveldlega getað skapað sér fleiri færi," sagði Gylfi eftir leik.

Lestu um leikinn: Ísland 3 -  0 Moldóva

„Við vorum bara í vandræðum í upphafi leiks og þeir voru bara betri í öllu. Við vorum bara rólegir og auðvitað hjálpar fyrsta markið, það setti smá pressu á þá. Við stjórnuðum þessu ágætlega eftir það."

Jón Daði og Kolbeinn Sigþórsson mönnuðu framlínu Íslands í dag og var Gylfi ánægður með þeirra frammistöðu.

„Frábærlega vel gert hjá Jóni Daða í fyrsta markinu, frábær snerting og hann leggur hann á Kolbein sem klárar í fyrsta. Það er frábært fyrir Kolbein að vera kominn aftur í landsliðið og vera byrjaður að skora mörk."

Ísland er á góðri siglingu í riðlinum með fjóra sigra í fimm leikjum.

„Við getum ekkert kvartað yfir því. Eina tapið er á móti Frakklandi úti. Ég hafði alltaf trú á því að þegar það kæmi í undankeppnina þá yrðum við góðir. Þetta er frábær byrjun og það er mikilvægur leikur á þriðjudag."

„Albanía er sterkara lið en það sem við vorum að spila við í kvöld. Við verðum að sækja þrjú stig," sagði Gylfi að lokum.

Tweet

Senda a Facebook Hafdu samband Senda frétt Prenta frétt Frétta leit