Hannes í leiknum í kvöld.
„Mér fannst frammistaðan frábær en tilfinningin núna er ekkert nema svekkelsi," sagði Hannes Þór Halldórsson markvörður Íslands eftir 2-2 jafntefli við Heimsmeistara Frakka í kvöld en Ísland var 0-2 yfir þar til í lok leiksins.
Lestu um leikinn: Frakkland 2 - 2 Ísland
„Þó að maður hefði fyrirfram tekið jafntefli á móti Heimsmeisturunum á útivelli þá spilaðist leikurinn þannig og staðan var þannig að ekkert annað en sigur kom til greina. Að fá á sig tvö mörk og tapa þessu niður er fáránlega fullt en að sjálfsögðu hellingur af jákvæðum hlutum."
„Kannski gefur þetta okkur blóð á tennurnar fyrir leikinn á móti Sviss, að hafa spilað vel, ekki náð úrslitunum sem við vildum og það situr í okkur gremja eftir það. Núna er bara svekkelsi."
Ísland hélt boltanum vel og var betra liðið á vellinum í 85 mínútur.Hannes lék seinni hálfleikinn.
„Mér fannst við verðskulda sigurinn í dag. Hann hefði mátt detta okkar megin, það var þvílík óheppni þegar þeir skora fyrra markið. Þetta var svona dæmi þar sem ef þeir næðu að skora eitt þá félli augnablikið með þeim og þeir gætu keyrt vel á okkur. Þeir voru að gefast upp en við vorum virkilega góðir í dag og getum verið ánægðirmeð að hafa rifið okkur upp eftir síðustu tvo leiki."
Nánar er rætt við Hannes í sjónvarpinu að ofan.
Athugasemdir
