Arnór Sigurðsson var að vonum svekktur með 1-0 tap gegn Frökkum fyrr í kvöld. Frakkar voru í vandræðum með að brjóta vörn Íslands á bak aftur þangað til að Ari Freyr fékk dæmda á sig klaufalega vítaspyrnu.

Lestu um leikinn: Ísland 0 -  1 Frakkland

Þú hlýtur að vera svekktur eftir þetta tap?

„Já við erum öll sammála um það að þetta er gríðarlega svekkjandi að fá svona víti í andlitið og 1-0 þar sem við vorum búnir að vera þéttir og þeir voru varla búnir að opna okkur.''

Fannst þér þetta vera víti?

„Við erum búnir að skoða þetta aðeins og þetta er mjög soft, hann sparkar aðeins í höndina á honum en Griezmann hendir sér í jörðina tveimur metrum eftir það, þetta er svona svolítið svekkjandi.''

Áttu von á því að þú farir að fá stærra hlutverk í landsliðinu?

„Já ég er að þroskast bæði sem leikmaður og manneskja, ég bara tek því hlutverki sem mér er úthlutað og ég verð bara að halda áfram að gera það sem ég geri vel og laga það sem ég þarf að laga.''

Viðtalið í heild sinni má sjá í spilaranum hér að ofan en þar ræðir Arnór meðal annars uppleggið í leiknum og hvernig það er að spila gegn stærstu stjörnum heimsins.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit