„Þetta er fín áskorun í byrjun móts, á laugardagskvöld klukkan átta. Það verður stemning og við stefnum á að byrja vel," segir Heimir Guðjónsson, þjálfari Vals, í samtali við Guðmund Aðalstein Ásgeirsson, fréttamann Fótbolta.net.
Opnunarleikur Pepsi Max-deildar karla fer fram annað kvöld þegar Valur tekur á móti KR á Hlíðarenda. Þessum liðum er spáð tveimur efstu sætum deildarinnar.
Opnunarleikur Pepsi Max-deildar karla fer fram annað kvöld þegar Valur tekur á móti KR á Hlíðarenda. Þessum liðum er spáð tveimur efstu sætum deildarinnar.
„Mér lýst vel á sumarið. Við höfum æft vel eftir að við máttum vera með allan hópinn saman. Við höfum spilað æfingaleiki, sumir hafa verið góðir en aðrir ekki eins góðir. Það er bara jákvætt, þá sjáum við hvað við megum laga. Það tók menn smá tíma að komast í takt eftir svona langa pásu. Það hafa verið framfarir og við erum bjartsýnir," segir Heimir.
Talað hefur verið um að Valur sé í leit að sóknarmanni, varaskeifu fyrir Patrick Pedersen í fremstu víglínu. Miðað við orð Heimis virðist enginn á leið á Hlíðarenda.
„Þetta er sá hópur sem við förum með inn í mótið og er sá hópur sem við treystum, Leikmannahópurinn er góður og fullt af fínum fótboltamönnum."
Breiddin í Valsliðinu er mikil. Er ekki erfitt að velja byrjunarliðið?
„Það er alltaf erfitt. Ellefu geta spilað en mótið er langt og það verður spilað þétt. Ég met stöðuna þannig að við þurfum á öllum að halda áður en yfir lýkur," segir Heimir Guðjónsson.
Í spilaranum hér að neðan má hlusta á ítarlegt viðtal við Heimi úr útvarpsþætti Fótbolta.net á dögunum.
1. umferð Pepsi Max
laugardagur 13. júní
20:00 Valur-KR (Origo völlurinn)
sunnudagur 14. júní
15:45 ÍA-KA (Norðurálsvöllurinn)
18:00 HK-FH (Kórinn)
20:15 Breiðablik-Grótta (Kópavogsvöllur)
mánudagur 15. júní
18:00 Víkingur R.-Fjölnir (Víkingsvöllur)
19:15 Stjarnan-Fylkir (Samsung völlurinn)
Athugasemdir