Pálmi Rafn Pálmason.
Pálmi Rafn Pálmason, fyrirliði KR, er ánægður með bætinguna á leik liðsins í 1-0 sigrinum á Víkingi R. í Meistarakeppni KSÍ um síðustu helgi.
KR hafði tapaði 3-0 gegn Stjörnunni og gert 1-1 jafntefli við Keflavík í æfingaleikjum þar á undan.
KR hafði tapaði 3-0 gegn Stjörnunni og gert 1-1 jafntefli við Keflavík í æfingaleikjum þar á undan.
„Við vorum ekki mjög sannfærandi í þessum tveimur æfingaleikjum en við náðum að sýna eitthvað af því sem við vorum með í fyrra á móti Víkingi. Það var gott. Þetta er búið að vera á uppleið. Þetta hefur verið stórfurðulegt undirbúningstímabil en þetta er allt að koma," sagði Pálmi Rafn.
„Við vorum varla með í þessum æfingaleikjum og það var gott spark í rassgatið fyrir okkur. Við mættum virkilega öflugir í Víkings leikinn. Við vissum að við værum að mæta liði sem hefur tekið miklum framförum undir stjórn Adda. Það var klárt mál að ef við ætluðum að vinna þennan titil sem væri í boði þá þyrftum við að gefa miklu meira í þann leik."
Íslandsmeistararnir mæta Val í fyrstu umferð Pepsi Max-deildarinnar klukkan 20:00 á Origo-vellinum annað kvöld.
„Þetta er stórleikur og gaman að byrja deildina svona. Ég er virkilega spenntur fyrir þessu," sagði Pálmi.
Hér að ofan má sjá viðtalið í heild sinni.
1. umferð Pepsi Max
laugardagur 13. júní
20:00 Valur-KR (Origo völlurinn)
sunnudagur 14. júní
15:45 ÍA-KA (Norðurálsvöllurinn)
18:00 HK-FH (Kórinn)
20:15 Breiðablik-Grótta (Kópavogsvöllur)
mánudagur 15. júní
18:00 Víkingur R.-Fjölnir (Víkingsvöllur)
19:15 Stjarnan-Fylkir (Samsung völlurinn)
Ekki gleyma Draumaliðsdeild Eyjabita!
Mundu að gera breytingar á þínu liði í Draumaliðsdeild Eyjabita. Hægt er að skrá sig í allt sumar. Markaðurinn lokar klukkutíma fyrir fyrsta leik umferðarinnar.
Smelltu hér til að taka þátt í Draumaliðsleiknum!
Athugasemdir
