Fótbolti.net

„Þú veist að það er bara einn Siggi Hall"

Guðlaugur Victor fer yfir sigurmark Frakka: Ég er nógu hraður til að díla við Mbappe

Daníel Tristan í skýjunum: Það skemmtilegasta sem ég hef gert í lífinu

Skoraði markið umtalaða - „Dómaranum fannst það sem ég skil ekki”

Ísak stoltur og talar um rán - „Ég er bara að drepast”

Vissi að þetta væri rautt: „Sagði strax við strákana að ég ætla að liggja aðeins“

Franskur blaðamaður: Yrði mikið sjokk að vinna ekki Ísland

Kristian: Ekki rétt það sem kom fram um mig

„Ef við byrjum leikina eins og seinni hálfleik getum við gert drullu góða hluti"

Ólafur Ingi stoltur af frammistöðunni - „Fyrir mér glórulaus dómur"

Mikael Egill: Er það ekki bara Frakkinn?

Stefán Teitur: Nei, það er geðveikt

Sverrir Ingi: Bónusleikur fyrir okkur

Ísak Bergmann: Stórt fyrir Skagann á erfiðu sumri

„Mbappé má eiga það að hann er fljótur”

Björgvin Karl: Hefðum átt að klára þennan leik

Óli Kri: Við fengum erfiðan andstæðing í dag

Bjarni Jó: Getum sjálfum okkur um kennt

Völsungur áfram í Lengjudeildinni þvert á allar spár - „Tilfinningin er ótrúlega sæt"

Gústi Gylfa: Hann átti stjörnumóment síðustu tíu

fim 15. nóvember 2018 23:00

Guðmundur Aðalsteinn Ásgeirsson

Aron Einar: Þjóðadeildin má fara - EM 'all the way'

Aron spilaði 90 mínútur.

Mynd: Fótbolti.net - Hafliði Breiðfjörð

„Ég er ánægður með hvernig skipulagið var á liðinu í ljósi aðstæðna," sagði Aron Einar Gunnarsson, landsliðsfyrirliði, eftir 2-0 tap gegn Belgíu í Þjóðadeildinni í kvöld.

Ísland var án 11 leikmanna í kvöld. Alfreð Finnbogason átti að byrja leikinn en hann meiddist í upphitun.

„Menn hafa verið að tínast úr hóp, meiðast í upphitun, Höddi meiðist eftir 20 mínútur en klárar leikinn. Ég veit ekki hvernig er hægt að lýsa því hversu óheppnir við erum búnir að vera en við erum ekkert að skýla okkur á bak við það, menn komu inn og gerðu sitt. Ég er virkilega ánægður með strákana sem komu inn í þetta."

Lestu um leikinn: Belgía 2 - 0 Ísland

„Við sýndum einbeitingarleysi tvisvar í þessum leik og þeir refsa. Það sýnir hversu góðir Belgarnir eru. Í seinna markinu tapa ég boltanum á miðjunni, búmm þeir eru komnir fram og skora. Þetta sýnir gæðin hjá Belgunum."

„Við fengum færi til að jafna í stöðunni 1-0, þá hefði þetta verið allt annar leikur."

Leikmenn eins og Albert Guðmundsson, Arnór Sigurðsson og Jón Dagur Þorsteinsson fengu að spila í kvöld. Þetta eru efnilegir leikmenn sem eiga framtíð fyrir sér í þessu liði.

„Þeir voru sprækir, þeir voru óhræddir. Þetta sýnir að þeir eru klárir þegar að því kemur. Þeir eru með varnarvinnuna á hreinu og voru að skila sínu verki 100%. Það er virkilega jákvætt."

„Svo voru margir leikmenn að spila sem ekki hafa verið að spila mikið. Ég er virkilega ánægður að sjá hvað menn voru með verkin sín á hreinu eftir svona stuttan tíma með landsliðinu."

Ísland fellur niður í B-deild Þjóðadeildarinnar. Liðið endar án stiga og með markatöluna 1:13 í þessum riðli. Næst á dagskrá er undankeppni EM á næsta ári.

„Þjóðadeildin má bara fara, ég ætla ekki að blóta. Auðvitað eftir á, þegar við erum búnir að tapa þessum leikjum þá má Þjóðadeildin bara fara en við hefðum auðvitað getað gert betur."

„Samt sem áður getum við líka tekið eitthvað jákvætt úr þessu. Við fengum inn leikmenn sem ekki hafa spilað marga keppnisleiki gegn sterkum þjóðum eins og Belgum. Það er jákvætt, en EM 'all the way'," sagði Aron.

Fyrirliðinn mun ekki spila gegn Katar í vináttulandsleik á mánudaginn en hann verður áfram með liðinu. „Ég sé ykkur í Eupen," sagði Aron að lokum.

Viðtalið við hann er í heild sinni hér að ofan.