„Ég er það, vægast sagt. Ég er búinn að vera gríðarlega ánægður með strákana svona síðustu tvær vikur. Eftir leikinn á móti Fylki þá höfum við verið búnir að setja standard á æfingum. Ég finn það að það er að koma meira sjálfstraust í liðið, ég finn það að menn eru að skilja betur það sem við viljum gera með liðið," sagði Gunnar Heiðar, þjálfari Vestra, sáttur eftir sigur á Fjölni.
Lestu um leikinn: Fjölnir 1 - 2 Vestri
„Þetta var einhvernvegin svona Havaí spil inni á milli fannst mér. En leið og við náðum boltanum niður, unnum fyrsta og annan, náðum boltanum niður, byrjuðum að spila, þá vorum við að komast í þessi færi sem við sköpuðum svolítið. Í mínum huga þá hefði þetta getað fallið báðu megin," sagði Gunnar Heiðar.
„Það er komið að sveitarfélaginu að gera eitthvað í þessum hlutum, til að halda þessari vegferð áfram, út af því við erum að byggja upp líka vörumerkið Vestri fyrir framtíðina, fyrir framtíðarkynslóðir og Vestri er einn hluti af Ísafirðinum og Vestfjörðunum. Auðvitað eigum við að halda því bara áfram, en þá þurfum við líka alvöru aðstöðu," sagði pólitískur Gunnar Heiðar að lokum.
