Axel Óskar var í banni í dag.
„Svekkjandi klárlega. Við ætluðum lengra og í undanúrslitin í fyrsta sinn í sögu félagsins en það verður að bíða þangað til á næsta ári. segir Magnús Már Einarsson, þjálfari Aftureldingar, eftir 1-0 tap gegn Fram í 8-liða úrslitum Mjólkurbikarsins.
Lestu um leikinn: Afturelding 0 - 1 Fram
„Ég óska bara Fram til hamingju, þeir spiluðu góðan leik. Þetta var þannig leikur að fyrsta markið var að fara með leikinn og þeir skoruðu það og eftir það gerðu þeir vel og við náðum ekki tempói eða góðum sóknum."
Afturelding skapaði sér eitthvað af færum í fyrri hálfleik en í seinni hálfleik náði liðið sér ekki á strik, sér í lagi eftir að Fram komst yfir.
„Fyrri hálfleikur var að mér fannst í jafnvægi og 50/50 leikur. Við setjum hann í slánna, ef það hefði farið inn værum við með góðas stöðu.
Mikil skörð voru hogginn í lið Aftureldingar í dag. Elmar Kári Enesson Cogic og Axel Óskar Andrésson voru í banni og fleiri leikmenn meiddir.
„Við erum sterk liðsheild og menn komu inn í þessar stöður sem stóðu sig allir vel. Við erum með menn til að bregðast við. Auðvitað saknar maður sterkra leikmanna en það réði ekki úrslitum í dag.
Athugasemdir
