Topplið ÍR heimsótti Keflavík suður með sjó í lokaleik níundu umferðar Lengjudeildarinnar í kvöld.
ÍR-ingar gerðu markalaust jafntefli og eru áfram taplausir á toppi deildarinnar.
Lestu um leikinn: Keflavík 0 - 0 ÍR
„Sterkt stig á útivelli en við hefðum alveg getað unnið þennan leik" sagði Jóhann Birnir Guðmundsson þjálfari ÍR eftir leik.
„Ég horfi ekki á þetta sem tvö töpuð stig endilega en þetta var nátturlega bara erfiður útileikur"
„Við byrjuðum mjög illa fyrstu svona tuttugu mínúturnar. Síðan komum við vel inn í leikinn og mér fannst við töluvert hættulegri svona þannig séð en auðvitað fengu þeir líka færi. Hugsanlega er jafntefli bara sanngjörn úrslit"
ÍR byrjaði leikinn hægt en ótrúlegur varnarmúr ÍR hélt vel aftur af liði Keflavíkur í dag.
„Við byrjum frekar hægt en svo komumst við inn í leikinn og þá fær Hákon blóðnasir og hann var útaf í svona örugglega fimmtán mínútur eða þetta leið þannig"
„Mér fannst við ná tökum á leiknum í seinni hluta fyrri hálfleiks og vera nánast með tökin allan leikinn þannig séð. Mér leið ekkert illa, mér leið vel. Mér leið illa fyrstu tuttugu mínúturnar en síðan leið mér bara vel á bekknum"
„Heilt yfir fannst mér við vera ofan á en auðvitað var þetta jafn leikur þannig bara fínt stig"
Nánar er rætt við Jóhann Birnir Guðmundsson í spilaranum hér fyrir ofan.
| Lið | L | U | J | T | Mörk | mun | Stig |
|---|---|---|---|---|---|---|---|
| 1. ÍR | 12 | 7 | 4 | 1 | 21 - 8 | +13 | 25 |
| 2. Njarðvík | 12 | 6 | 6 | 0 | 30 - 12 | +18 | 24 |
| 3. HK | 12 | 7 | 3 | 2 | 24 - 13 | +11 | 24 |
| 4. Þróttur R. | 12 | 6 | 3 | 3 | 23 - 20 | +3 | 21 |
| 5. Þór | 12 | 6 | 2 | 4 | 28 - 19 | +9 | 20 |
| 6. Keflavík | 12 | 5 | 3 | 4 | 25 - 18 | +7 | 18 |
| 7. Grindavík | 12 | 4 | 2 | 6 | 28 - 36 | -8 | 14 |
| 8. Völsungur | 12 | 4 | 2 | 6 | 18 - 27 | -9 | 14 |
| 9. Fylkir | 12 | 2 | 4 | 6 | 16 - 20 | -4 | 10 |
| 10. Selfoss | 12 | 3 | 1 | 8 | 13 - 25 | -12 | 10 |
| 11. Fjölnir | 12 | 2 | 3 | 7 | 14 - 27 | -13 | 9 |
| 12. Leiknir R. | 12 | 2 | 3 | 7 | 12 - 27 | -15 | 9 |
