Lestu um leikinn: Víkingur R. 2 - 0 The New Saints
„Ég hefði viljað vinna stærra ef ég á að vera hreinskilinn, mér fannst við 'dóminera' leikinn en við hefðum átt að nýta færin okkar betur," sagði Ari.
Ari kom til liðsins í vetur en það er mikil samkeppni í fremstu víglínu hjá Víkingi, þrátt fyrir það hefur Ari tekið þátt í öllum leikjum liðsins í sumar.
„Við erum með geggjaða sóknarmenn, þannig er það bara hjá stórum klúbb á Íslandi. Mér finnst við allir verða betri og betri því það er svo mikil samkeppni, það er engin fastur í liðinu, það er bara geggjað fyrir mig til að bæta mig."
Hann er mjög sáttur með byrjunina hjá liðinu á tímabilinu.
„Þetta er búið að vera geggjað, aðeins hikst í byrjun hjá liðinu. Það eru allir komnir í rútínu núna og erum að spila saman sem lið og persónulega er ég mjög sáttur."
