Álfa og félagar leika í efstu deild að ári
„Við erum gríðarlega sáttar og spenntar fyrir komandi tímum,“ sagði kampakát Álfhildur Rósa Kjartansdóttir, fyrirliði Þróttar, eftir 4-0 sigur á ÍA í kvöld. Með sigrinum tryggðu Þróttarar sér sæti í efstu deild að ári.
Lestu um leikinn: ÍA 0 - 4 Þróttur R.
„Þetta var klárlega markmiðið og nú einbeitum við okkur að hinu markmiðinu sem er að vinna deildina. Verðum einbeittar í því. Við fögnum núna inni í klefa og í kvöld en svo höldum við bara áfram.“
Aðspurð um það sem væri að skila Þrótti svona góðum árangri í sumar svaraði Álfhildur, eða Álfa, eins og hún er gjarnan kölluð:
„Ég held það sé bara góður liðsandi. Við fengum ótrúlega góða leikmenn fyrir tímabilið og svo er gott skipulag. Við erum með góða þjálfara sem eru með gott skipulag.“
Nánar er rætt við fyrirliðann unga í spilaranum hér að ofan.
