Fótbolti.net

„Ótrúlegt en satt að þetta nákvæmlega hafi komið upp"

Óvissa eftir geggjaðan tíma - „Tíu skref á milli okkar“

Draumurinn frá fimm ára aldri

„Alltaf mikill heiður að sjá nafnið mitt á þessu skjali"

Steig inn þegar markvörðurinn fór til Liverpool - „Lífið er geðveikt"

Karólína nýtur sín í æðislegri borg - „Smá Ítalí í mér"

18 ára að festa sig í sessi - „Þarf að drífa mig upp á herbergi að plana atriði"

Orðsporið farið stækkandi í Svíþjóð - „Þetta er annað heimili mitt"

Átti að vera árið hans Sölva - „Víkingur væri að berjast í efri hlutanum í Superligunni"

Ætlar að berjast við Árna um stöðuna - „Þurfti aðeins að klípa mig“

Venni: Fótboltinn breytist ekkert þó ég kaupi einhverja menn eða við spilum með ákveðnum hætti

Ray: Ég held að það sé bara bjart framundan hjá okkur

Kári Kristjáns: Mér líður bara ógeðslega vel hérna

Sjáðu rauða spjaldið á Brynjar Björn - „Síðasti séns að sjá þetta trix"

Sterkastur í 9. umferð - „Þetta var upp á líf og dauða fyrir okkur“

Maggi er ósáttur með mark Fylkis: Boltinn var aldrei inni

Heimir: Þurfum að setjast niður og læra af þessu

Sölvi Geir: Það fór smá um mann

Seinn á fund í gær en skoraði þrennu í kvöld: Fokking mikil sekt

Hemmi: Helvíti ódýr mörk og einstaklingsmistök

þri 27. febrúar 2024 18:39

Guðmundur Aðalsteinn Ásgeirsson
Kópavogsvelli

Alexandra í skýjunum: Það væri galið að setja hann ekki í svæðið

Alexandra Jóhannsdóttir.

Mynd: Fótbolti.net - Hafliði Breiðfjörð

Sigrinum fagnað í dag.

Mynd: Fótbolti.net - Hafliði Breiðfjörð

„Auðvitað er erfitt að fá á sig mark strax í byrjun en það er bara áfram gakk. Mér fannst koma ró um leið og við skoruðum fyrra markið. Allavega hjá mér, ég hafði engar áhyggjur að við værum þá ekki að fara að setja annað," sagði Alexandra Jóhannsdóttir við Fótbolta.net eftir sigur á Serbíu í umspili Þjóðadeildarinnar í dag.

27.02.2024 16:24

Ísland verður áfram í A-deild Þjóðadeildarinnar!

Lestu um leikinn: Ísland 2 - 1 Serbía

Eins og hún nefnir þá náði Serbía forystunni snemma og byrjaði leikinn betur, eins og úti í Serbíu í síðustu viku. En Ísland fékk sín færi í fyrri hálfleik og gekk svo á lagið þegar leið á seinni hálfleikinn.

„Þetta eru bara klaufamistök sem við gerum. Mér fannst við þannig séð ekkert byrja neitt ömurlega. Við missum boltann og fáum skyndisókn á okkur. Það gerist þegar þú ert að reyna að spila. Mér fannst við stíga ágætlega upp eftir það. Smá bras en svo fannst mér við gera vel," sagði Alexandra en var hún eitthvað stressuð að þetta myndi ekki detta fyrir okkur?

„Það var kannski smá: 'Jæja, er þetta ekki að fara að vera okkar dagur'. En svo um leið og markið kom hjá Sveindísi þá fann ég að þetta var komið. Við vorum alltaf að fara að setja annað."

Markið sem Sveindís skoraði kom eftir frábæra stoðsendingu frá Alexöndru.

„Það var svakalegt svæði sem bakvörðurinn skildi fyrir aftan sig. Ef þú ert með svona svæði fyrir aftan þig og Sveindísi Jane á kantinum, þá seturðu hann í svæðið. Hún gerði bara ágætlega, fannst mér. Ég man ekkert þannig eftir sendingunni. Ég sá bara svæðið. Það kemur engum á óvart að það er upplegg að setja hann í svæðið fyrir aftan Sveindísi. Þetta er einn fljótasti leikmaður Evrópu. Það væri galið að setja hann ekki í svæðið þegar það gefst tækifæri til þess," sagði Alexandra og brosti.

Hversu gaman var að fagna þessum flotta sigri með stuðningsmönnunum eftir leik?

„Það var voða fínt og voða fínt að sjá Serbana þarna og fagna. Ég ætla ekki að segja í andlitið á þeim en allavega... það er næsta markmið núna að komast á Evrópumótið og að halda okkur í A-deild þýðir klárt umspilssæti sama hvað. Það er staða sem við viljum vera í," sagði þessi öflugi miðjumaður.

Hægt er að sjá þetta skemmtilega viðtal í spilaranum hér að ofan.