Þórdís Hrönn Sigfúsdóttir.
„Tilfinningin er geggjuð. Ég get eiginlega ekki lýst því. Þetta er geggjað,“ sagði Þórdís Hrönn Sigfúsdóttir, nýkrýndur bikarmeistari. Þórdís var frábær í úrslitaleiknum og var valin maður leiksins hér á Fótbolta.net.
Lestu um leikinn: Breiðablik 1 - 2 Valur
Hvernig var að spila úrslitaleikinn?
„Það var geðveikt og áhorfendurnir voru geggjaðir. Að vinna bikarleik er klikkað. Ég tapaði bikarúrslitaleik 2018 á móti Blikum með Stjörnunni þannig að ég elska þetta,“ sagði Þórdís Hrönn en hún lagði upp bæði mörk Vals í leiknum.
„Þær eru svo geggjaðir þessir sóknarmenn í að klára færin. Þetta voru bara boltar í gegn og þær kláruðu bara af snilld. Mér er alveg sama hvort ég hafi lagt upp eða einhver önnur. Bara að við myndum skora þessi mörk,“ sagði Þórdís.
Knattspyrnukonan öfluga var í skýjunum eftir að hafa tryggt sér bikarmeistaratitilinn með Val en hún mun þó ekki fagna með liðinu í kvöld.
„Ég held að þær séu að fara í Fjósið en shout out á Emblu og Láru vinkonur mínar. Þær eru að gifta sig núna en ég fer beint að fagna með þeim og svo fagna ég með stelpunum mínum í huganum,“ sagði Þórdís Hrönn að lokum en við á .net sendum að sjálfsögðu líka hamingjuóskir á fótboltastelpurnar fyrrverandi, Emblu og Láru, sem fagna líkt og Valskonur í dag.
Athugasemdir
