Rúnar Kristinsson þjáfari KR
„Gríðarlega sáttur, frábær þrjú stig á mjög erfiðum útvelli á móti góðu liði FH, Það eru alltaf hörkuleikir á milli þessara félaga og mikið af mörkum. Heilt yfir ef við horfum á allan leikinn held ég að þetta hafi verið sanngjarnt en þeir hefðu hæglega getað náð í stig hérna í restina.“ Sagði Rúnar Kristinsson þjálfari KR um sín fyrstu viðbrögð eftir 3-2 sigur KR á FH í Kaplakrika fyrr í kvöld.
Lestu um leikinn: FH 2 - 3 KR
Gestirnir úr Vestubæ byrjuðu leikinn af miklum krafti og voru komnir með tveggja marka forystu eftir hálftíma leik. Var það uppleggið hjá liðinu að keyra á FH og koma höggi á þá snemma?
„Nei ekkert endilega. Við ætluðum bara að ná jafnvægi í okkar leik og gera réttu hlutina sem við gerðum mjög vel í byrjun. VIð fáum þarna tvö góð mörk og komumst í fína stöðu og eitthvað sem flesta þjálfara dreymir um að komast inn í hálfleikinn með 2-0 en svo gerist það ekki og þeir skora.“
KR hefur verið að fá mikið af mönnum aftur inn í hópinn úr meiðslum það sem af er móti og er hópur liðsins að breikka Rúnar ræddi aðeins málefni hópsins.
„Ég verð allavega með einhverja fleiri. Arnór Sveinn er að verða klár og hann er ekki búinn að spila neinn leik af þesum níu sem við erum búnir að spila og það er mjög mikill missir fyrir okkur. Engu að síðar hafa aðrir fengið tækifæri og staðið sig vel. Í dag nýtum við sextán leikmenn og erum að nýta hópinn vel og þurftum á því að halda.“
Sagði Rúnar en allt viðtalið má sjá hér að ofan.
Athugasemdir
