Heimir Guðjónsson.
,,Ég viðurkenni að ég æsti mig aðeins," sagði Heimir Guðjónsson þjálfari FH við Fótbolta.net um hálfleiksræðu sína gegn Fjölni í kvöld.
FH var 2-0 undir í leikhléi en snéri taflinu sér í hag í síðari hálfleik og landaði 3-2 sigri.
FH var 2-0 undir í leikhléi en snéri taflinu sér í hag í síðari hálfleik og landaði 3-2 sigri.
,,Þetta var hörkuleikur. Fjölnismenn voru mjög öflugir og grimmir og létu okkur virkilega hafa fyrir hlutunum. Þeir voru sterkir varnarlega og með öflugar skyndisóknir. Þessi frammi var að valda okkur vandræðum, ég held að hann hafi hlaupið 20 kílómetra í leiknum."
FH-ingar eru í leit að liðsstyrk þessa dagana en þeir vilja styrkja varnarleikinn.
,,Við viljum vanda til verksins og fá leikmenn sem geta fallið í skipulagið okkar. Sú leit stendur yfir og ég vona að það gangi fljótlega. Við þurfum að leysa varnarstöðurnar. Við urðum fyrir mikilli blóðtöku á móti HK þegar Sam Tillen meiddist. Hann er að mínu mati besti vinstri bakvörðurinn í íslensku deildinni."
Samkvæmt heimildum Fótbolta.net reyndi FH að fá Ármann Smára Björnsson varnarmann ÍA í sínar raðir án árangurs en Heimir vill ekki tjá sig um það.
,,Ég get ekki gefið allt upp, því miður. Það er ekki já eða nei," sagði Heimir aðspurður hvort þetta sé rétt.
Hér að ofan má sjá viðtalið í heild sinni.
Athugasemdir
