„Mér fannst við góðir megnið af leiknum. Við vorum góðir líka í fyrri hálfleik. Við vorum að koma okkur í mjög góðar stöður en þá vantaði kannski lokasendinguna. Við spiluðum líke vel í seinni hálfleik og sköpuðum okkur mörg góð færi. Sanngjarn sigur á erfiðum útvivelli. Það sem ég er ánægðastur með er að við héldum hreinu við höfum ekki gert það oft í sumar. Við komum okkur í efri 6 eins og markmiðið var áður en mótið byrjaði. Það er fínt.“ sagði Heimir Guðjónsson, þjálfari FH, eftir 2-0 sigur á Breiðablik í dag.
Lestu um leikinn: Breiðablik 0 - 2 FH
Eftir að hafa tapað 3-0 heima gegn KA í seinasta leik var Heimir mjög ánægður með svarið hjá sínum mönnum í dag en fannst þó frammistaðan ekki það slök á móti KA.
„Mér fannst við töluvert sterkari aðilinn í fyrri hálfleiknum á móti KA og vorum að gefa klaufaleg mörk. En það er rétt það er gott að svara fyrir það. Það er bara þannig að alvöru menn eru ekkert að bíða og sjá hvað er að gerast í öðrum leikjum, þeir bara klára þetta sjálfir þeir gerðu það í dag og ég er stoltur af því.“
Heimir var spurður út í það hvort leikurinn sigraðist á eihverjum ákveðnum stað í dag.
„Mér fannst hann sigrast á því að það var gríðarleg samstaða í liðinu og við vorum góðir að yfirmanna svæðin á móti Blikunum sem maður þarf að gera. Mér fannst við ná að læsa þeim í svæðin sem við vildum að þeir myndu fara. Þeir voru ekki að skapa sér mikið og við vorum góðir í skyndisóknum fannst mér. Við héldum einnig boltanum vel innan liðsins og náðum að færa hann milli vængja.“
FH náðu að klára leikinn alveg í lokin með marki frá Eetu Mömmö en Heimir talaði um hversu sætt var að sjá boltann syngja í netinu.
„Það var frábært. Líka frábært fyrir Eetu sem er frábær leikmaður en hefur verið mikið frá í sumar vegna meiðsla. Frábærlega klárað hjá honum og vonandi hjálpar þetta honum í framhaldinu.“
Heimir var þá spurður að lokum hvernig umspilið blasir við honum.
„Markmiðið var að komast í evrópu og núna erum við komnir þangað og núna höfum við tvær vikur til að bæði endurheimta og æfa vel og vera klárir eftir tvær vikur og þá finnum við næstu markmið.“ sagði Heimir Guðjónsson, þjálfari FH, að lokum eftir magnaðan 2-0 sigur á Breiðablik í dag.
Viðtalið má sjá í heild sinni í spilaranum hér að ofan.
