„Við spiluðum mjög vel í dag og hlutirnir gengu vel upp," sagði Bjarni Jóhannsson, þjálfari Vestra, eftir flottan sigur á ÍBV í Vestmannaeyjum.
Lestu um leikinn: ÍBV 1 - 3 Vestri
Vestramenn lágu til baka og nýttu skyndisóknir sínar vel.
„Við unnum boltann oft á góðum stað í leiknum, ógnuðum þeim vel og það sem við gerðum líka vel er að þegar við fengum boltann þá héldum honum vel á köflum."
„Við vitum það að Eyjamenn eru með hættulega sóknarmenn og okkur tókst að loka ágætlega á þá lungan úr leiknum. Leikplanið gekk ágætlega upp."
Vestri komst upp úr 2. deild í fyrra og liðið hefur átt mjög gott tímabil. Vestri er í sjötta sæti með 29 stig.
Viðtalið er í heild sinni hér að ofan.
Athugasemdir