Gott á milli okkar Arnars, eigum gott samband
„Svekkjandi að fara bara með eitt stig en við börðumst eins og við gátum til enda og verðum bara að taka þetta stig," sagði Helgi Guðjónsson, markaskorari Víkings, við Hafliða Breiðfjörð eftir jafntefli gegn ÍA í kvöld.
„Ég held að þetta hafi ekki verið skemmtilegt að horfa á. Þetta var bara einhverjar kýlingar og vona það besta einhvern veginn. Sólin og vindurinn, þetta var bara leiðinlegt að spila í þessu. Sólin lækkaði í seinni hálfleik og strákarnir í vörninni töluðu um það að þeir sáu eiginlega ekki neitt."
„Ég held að þetta hafi ekki verið skemmtilegt að horfa á. Þetta var bara einhverjar kýlingar og vona það besta einhvern veginn. Sólin og vindurinn, þetta var bara leiðinlegt að spila í þessu. Sólin lækkaði í seinni hálfleik og strákarnir í vörninni töluðu um það að þeir sáu eiginlega ekki neitt."
Lestu um leikinn: ÍA 1 - 1 Víkingur R.
Helgi skoraði eftir rúmar 50 sekúndur, hvernig upplifði hann þetta mark?
„Kalli fékk hann eftir hornið og tók einhverja hælspyrnu og hann varði hann bara í mig og inn. Það þarf að vera þarna til að skora."
Arnar Gunnlaugsson, þjálfari Víkings, bað Helga afsökunar á því að hafa ekki valið hann í byrjunarliðið í síðasta leik.
„Maður verður bara að vera á tánum, við erum með hörku hóp og maður verður að nýta tækifærið þegar það gefst. Ég náði að setja eitt í dag og verð að halda áfram. Hann var búinn að segja þetta við mig, það er gott á milli okkar Arnars og við eigum gott samband," sagði Helgi að lokum.
Viðtalið í heild má sjá í spilaranum hér að ofan.
Athugasemdir