Lucas Torreira, leikmaður Arsenal, segir að hann muni einungis snúa aftur til liðsins ef hann fái að spila.
Þessi Úrúgvæi er á láni hjá Atletico Madrid en þar hefur hann fengið mjög lítið að spila. Hann hefur byrjað einungis þrjá leiki hjá Madrid í La Liga og einu sinni spilað allan leikinn.
Torreira var sendur á lán eftir að Mikel Arteta sá ekki fram á að geta notað leikmanninn í leikkerfi sínu. Þessi 25 ára gamli leikmaður á tvö ár eftir af samningi sínum við Arsenal.
Torreira er sagður klár í að snúa aftur til Arsenal en einungis ef hann fær spiltíma. Torreira kom til Arsenal frá Sampdoria árið 2018 en Unai Emery fékk hann til liðsins.
Athugasemdir