Úlfur Arnar Jökulsson, þjálfari Fjölnis
„Mér fannst við bara vera flottir í fyrri hálfleik, mér fannst við samt alltaf eiga einn gír inni." sagði Úlfur Arnar eftir 3-1 sigur á KV í 5. umferð Lengjudeild karla í kvöld.
Lestu um leikinn: Fjölnir 3 - 1 KV
„Við vorum sjálfum okkar verstir og það sýnir sig í því hversu klaufalega við gefum þeim hornspyrnuna sem þeir jafna úr. En í hálfleik þá áttum við gott samtal um það að gefa aðeins í, spýta aðeins í lófanna og fara upp um einn gír. Við vissum að þetta yrði þolinmæðis verk, sem varð rauninn. Blessunarlega náðum við inn marki og náðum að sigla þessu heim."
Hvernig lögðuð þið leikinn upp á móti KV?
„Vissum að þeir eru í erfiðri stöðu og eru að berjast fyrir lífi sínu. Það er alltaf erfitt að mæta svoleiðis liðum, þeir voru svo sannarlega með blóðið á tönnunum. Við lögðum leikinn bara þannig upp að við vildum hafa stjórn á leiknum, vildum halda í boltann og ná að keyra af stað okkar uppspil. Mér fannst við bara gera það ágætlega en eins og ég segi, mér fannst vanta alltaf svona aðeins meira í fyrri hálfleik, áttum inni einn auka gír en í seinni hálfleik fannst mér við gera þetta hraðar og betur."
Hvað fannst þér um öll vafaatriðin í lok leiks?
„Frá mér séð, þegar þeir vilja fá vítaspyrnu þá fer þetta í bringuna á honum. En ég svo sem er ekki hundrað prósent viss. Mér fannst dómarinn tækla þetta nokkuð vel held ég. Eins og þú segir, það var hiti og action og nóg að taka fyrir hann og held að hann hafi nú bara gert þetta nokkuð vel."
Viðtalið má sjá í heild sinni hér að ofan
Athugasemdir
