Bjarki Aðalsteinsson fyrirliði Leiknismanna var virkilega öflugur í hjarta varnarinnar í kvöld þegar að Leiknir og Víkingur skildu jöfn 0-0 í 4. umferð Bestu Deildarinnar.
"Tökum þessu stigi, erfiður leikur blautt og mikil barátta í þessum leik, þetta var bara leikur sem við þurftum að grafa djúpt og djöflast aðeins" Sagði fyrirliðinn í viðtali eftir leik"
Vallaraðstæður voru ekki að bjóða upp á neina samba knattspyrnu í kvöld.
"Nei þetta var smá íslenskt en við hefðum kannski getað verið aðeins rólegri á boltann sérstaklega í fyrri og verið skynsamari og verið minna í þessum löngu boltum en veðrið var eins og það var og við gerðum okkar besta út frá því"
Lestu um leikinn: Leiknir R. 0 - 0 Víkingur R.
Tvö stig af tólf mögulegum eftir eftir fjóra leiki er uppskera Leiknismanna.
"Ekki uppskeran sem við vildum en mér finnst vera vaxandi í þessu hjá okkur og sérstaklega hægt að byggja ofan á þennan leik, þetta hjarta sem við sýndum og fara að sækja fleiri punkta í næstu leikjum"
Viðtalið má sjá í heild sinni hér fyrir ofan.
