Gísli Laxdal er leikmaður umferðarinnar.
Róbert Quental fagnar gegn Gróttu.
Marko Vardic var maður leiksins gegn Aftureldingu.
Skagamenn eru skyndilega aðeins þremur stigum á eftir toppliði Aftureldingar í Lengjudeildinni. Afturelding er án sigurs í þremur leikjum í röð og ÍA minnkaði forystu liðsins með því að vinna 1-0 útisigur í toppbaráttuslag gegn Fjölni í 16. umferð.
Leikmaður umferðarinnar:
Gísli Laxdal Unnarsson
„Gísli Laxdal er ekki á leiðinni í Val útaf engu. Þvlíkur hraði sem þessi drengur býr yfir. Öll hætta Skagamanna spilaðist upp hægri vænginn í gegnum hann. Gísli skoraði sigurmark leiksins og var óheppinn að bæta ekki við öðru stuttu seinna þegar hann setti boltann yfir," skrifaði Anton Freyr Jónsson, fréttamaður Fótbolta.net, í skýrslu um leikinn.
Leikmaður umferðarinnar:
Gísli Laxdal Unnarsson
„Gísli Laxdal er ekki á leiðinni í Val útaf engu. Þvlíkur hraði sem þessi drengur býr yfir. Öll hætta Skagamanna spilaðist upp hægri vænginn í gegnum hann. Gísli skoraði sigurmark leiksins og var óheppinn að bæta ekki við öðru stuttu seinna þegar hann setti boltann yfir," skrifaði Anton Freyr Jónsson, fréttamaður Fótbolta.net, í skýrslu um leikinn.
Skagamenn eiga annan fulltrúa í liði umferðarinnar en það er Árni Marinó Einarsson sem átti frábæran leik í markinu. Undir lokin þegar Fjölnismenn voru í leit að jöfnunarmarkinu þá gerði Árni vel.
Brynjar Björn Gunnarsson er þjálfari umferðarinnar en Grindavík gerði sér lítið fyrir, heimsótti topplið Aftueldingar og vann 2-1 útisigur. Maður leiksins var miðjumaðurinn Marko Vardic sem átti stoðsendingu og þá er Símon Logi Thasaphong, sem skoraði fyrra mark liðsins, í úrvalsliðinu. Langþráðu sigur Grindvíkinga.
Hinn átján ára gamli Róbert Quental Árnason var maður leiksins þegar Leiknir vann Gróttu 2-1. Hann skoraði og gerði varnarmönnum Gróttu lífið leitt allan leikinn. Arnór Ingi Kristinsson skoraði sigurmark Leiknis sem vann sjötta leikinn í röð.
Rafael Victor skoraði bæði mörk Njarðvíkur sem vann Vestra 2-0. Hann er í úrvalsliðinu í þriðja sinn í röð. Sigurjón Már Markússon var frábær í vörn Njarðvíkinga.
Jörgen Pettersen var maður leiksins þegar Þróttur vann 4-3 sigur gegn Selfossi og komst upp úr fallsæti. Þá steig fyrirliði Þróttara, Baldur Hannes Stefánsson, upp í leiknum.
Þór vann nauman sigur á Ægi í Þorlákshöfn en maður leiksins kom úr röðum tapliðsins, Dimitrije Cokic var virkilega góður á miðsvæðinu.
Lið umferðarinnar:
15. umferð - Omar Sowe (Leiknir)
14. umferð - Viktor Jónsson (ÍA)
13. umferð - Elmar Kári Cogic (Afturelding)
12. umferð - Daníel Finns Matthíasson (Leiknir)
10. umferð - Þorsteinn Aron Antonsson (Selfoss)
9. umferð - Elmar Kári Cogic (Afturelding)
8. umferð - Símon Logi Thasapong (Grindavík)
7. umferð - Arnór Gauti Ragnarsson (Afturelding)
6. umferð - Aron Elí Sævarsson (Afturelding)
5. umferð - Sigurjón Daði Harðarson (Fjölnir)
4. umferð - Axel Freyr Harðarson (Fjölnir)
3. umferð - Sam Hewson (Þróttur)
2. umferð - Valdimar Jóhannsson (Selfoss)
1. umferð - Guðjón Pétur Lýðsson (Grindavík)
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
