Rúnar var hundsvekktur eftir leikinn í dag.
Rúnar Kristinsson, þjálfari KR, var að vonum svekktur eftir 2-1 tap sinna manna gegn Stjörnunni í Pepsi Max-deildinni í dag. KR-ingar leiddu þegar að 86 mínútur voru á klukkunni en Stjörnumenn skoruðu tvö mörk undir lokin.
„Þetta var mjög svekkjandi að tapa. Við stýrðum þessum leik að mínu mati. Þú getur átt frábæran leik eins og við áttum í dag en tapað samt." sagði Rúnar eftir leikinn í dag.
„Þetta var mjög svekkjandi að tapa. Við stýrðum þessum leik að mínu mati. Þú getur átt frábæran leik eins og við áttum í dag en tapað samt." sagði Rúnar eftir leikinn í dag.
Lestu um leikinn: KR 1 - 2 Stjarnan
KR-ingar voru heilt yfir hættulegri í leiknum og leit frekar út fyrir það að þeir myndu auka forystuna frekar en að Stjarnan að jafna.
„Við sofnuðum á verðinum í nokkrar sekúndur og þeir ná að jafna. Þá hentum við öllum fram til að sækja þessi þrjú stig en þeir fara upp og skora aftur. Þetta var bara einbeitingarleysi í restina sem að við erum ósáttir við."
KR situr í fimmta sæti deildarinnar eins og er, 8 stigum frá Val sem að er á toppnum þegar að bæði lið eiga 10 leiki eftir.
„Við erum búnir að vera góðir undanfarið og það er kraftur í liðinu og ef að hann verður áfram hef ég engar áhyggjur."
Rúnar Alex Rúnarsson, landsliðsmarkvörður Íslands og sonur Rúnars Kristinssonar, er í dag orðaður við enska stórliðið Arsenal. Rúnar Kristins vildi ekki staðfesta þær fregnir en nánar er rætt við hann í spilaranum að ofan.
Athugasemdir
