Adda var eðlilega gríðarlega sátt með enn einn Íslandsmeistaratitilinn en hún hefur unnið þá nokkra, í þetta skiptið var hún að vinna hann í fyrsta sinn með Val eftir að hafa ekki unnið í tvö ár.
Lestu um leikinn: Valur 3 - 2 Keflavík
Fyrsta árið þitt hjá Val og fyrsti titillinn, eru titlarnir að elta þig?
„Já ég veit það ekki, mér finnst gaman að vinna titla og hef ekki unnið seinustu tvö ár, mig var farið að hungra í að vinna eitthvað og ég er mjög sátt með að hafa komið hingað.''
Var þetta aldrei stress?
„Nei í sannleika sagt þá var ég aldrei stressuð, ég er viss um að fólkið í stúkunni og þjálfararnir á hliðarlínunni voru stressaðari en við, mér fannst tilfinningin inná vellinum vera þannig að við værum alltaf að fara að sigla þessu þó svo að frammistaðan hafi ekki verið sú besta.''
Var það kannski reynslan sem skilaði þessu?
„Já Elliheimilið Grund eins og einhverjir vilja kalla okkur, við erum með nokkurhundruð landsleiki á bakinu svo við hljótum að geta klárað svona verkefni.''
Viðtalið í heild sinni má sjá í spilaranum hér að ofan, en þar ræðir Adda betur um leikinn, titlana og svo framhaldið en hún hefur verið orðuð við Þór/KA undanfarin ár þar sem Almarr Ormarsson, kærasti Öddu spilar fyrir norðan með KA.
Athugasemdir