Keflavík fékk topplið ÍR í heimsókn á HS orkuvöllinn í kvöld þegar lokaleikur níundu umferðar Lengjudeildarinnar fór fram.
Þrátt fyrir að hafa haldið meira í boltann og stýrt ferðinni var markalaust jafntefli niðurstaðan.
Lestu um leikinn: Keflavík 0 - 0 ÍR
„Við meira með boltann og byrjum leikinn af krafti. Sköpum okkur fínar stöður, fáum ágætis krossa en svo finnst mér það fade-a aðeins út og verður mikið jafnræði" Sagaði Haraldur Freyr Guðmundsson þjálfari Keflavíkur eftir leikinn í kvöld.
„Við erum á boltanum og erum að reyna skapa okkur eitthvað og þeir bara verjast vel. Hrós á ÍR-ingana"
„Þeir eru mjög duglegir, vinnusamir og með fljóta menn frammi. Þeirra leikplan örugglega líka gengur upp að mörgu leyti. Þeir eru bara djúpt niðri að verjast og leyfa okkur að hafa boltann og sækja svo hratt á okkur. Örugglega þá á endanum er niðurstaðan sanngjörn"
Keflavík hefur átt í smá vandræðum með heimavöllinn í sumar og ekki verið að sækja þau stig sem þeir vonuðust eftir á HS Orkuvellinum.
„Allir leikir hérna heima, við viljum vinna þá. Það hefur gengið mjög illa. Við lítum á þetta sem tvö töpuð stig"
„Það er alltaf áhyggjuefni að ná ekki í sigra. Það er langt síðan við unnum í deildinni síðast, ég held að það sé 23. maí eða núna mánuður síðan. Ég held að það sé bara kominn tími á það að við þurufm að járna okkur upp í nágrannaslag á móti Njarðvík á fimmtudaginn og bara sækja sigur"
Nánar er rætt við Harald Freyr Guðmundsson í spilaranum hér fyrir ofan.
| Lið | L | U | J | T | Mörk | mun | Stig |
|---|---|---|---|---|---|---|---|
| 1. ÍR | 12 | 7 | 4 | 1 | 21 - 8 | +13 | 25 |
| 2. Njarðvík | 12 | 6 | 6 | 0 | 30 - 12 | +18 | 24 |
| 3. HK | 12 | 7 | 3 | 2 | 24 - 13 | +11 | 24 |
| 4. Þróttur R. | 12 | 6 | 3 | 3 | 23 - 20 | +3 | 21 |
| 5. Þór | 12 | 6 | 2 | 4 | 28 - 19 | +9 | 20 |
| 6. Keflavík | 12 | 5 | 3 | 4 | 25 - 18 | +7 | 18 |
| 7. Grindavík | 12 | 4 | 2 | 6 | 28 - 36 | -8 | 14 |
| 8. Völsungur | 12 | 4 | 2 | 6 | 18 - 27 | -9 | 14 |
| 9. Fylkir | 12 | 2 | 4 | 6 | 16 - 20 | -4 | 10 |
| 10. Selfoss | 12 | 3 | 1 | 8 | 13 - 25 | -12 | 10 |
| 11. Fjölnir | 12 | 2 | 3 | 7 | 14 - 27 | -13 | 9 |
| 12. Leiknir R. | 12 | 2 | 3 | 7 | 12 - 27 | -15 | 9 |
