„Mikil gleði, hörku leikur gegn mjög sterku liði Kórdrengja. Ég er gríðarlega ánægður með strákanna og allt liðið.” sagði Þorlákur Már Árnason þjálfari Þórs Akureyri eftir dramatískan 4-2 sigur gegn Kórdrengjum. 

„Við höfum verið að spila mjög vel í síðustu fjórum leikjum. Bara síðan við fengum Ion og Alexander inn, þá er bara gjörbreyting á liðinu. Ég er sérstaklega ánægður því Aron Ingi Magnússon er á leið í atvinnumennsku og var að spila sinn síðasta leik.’’