Lestu um leikinn: Fjölnir 1 -  1 Vestri

„Það var stórkostlegt, alveg ljómandi og ég vona að það komi enn fleiri á úrslitaleikinn," sagði Túfa um stuðninginn úr stúkunni. „Allir eru spenntir, við leikmenn líka. Þetta var markmið okkar á tímabilinu."

Hann var spurður út í leikina gegn Aftureldingu í sumar. Hvernig heldur hann að úrslitaleikurinn verði?

„Það er ekki hægt að spá hvernig úrslitaleikurinn verður, hann mun ráðast á smáatriðum og liðið sem verður tilbúnara vinnur. Það er ekkert í fortíðinni sem skiptir máli. Þetta er bara úrslitaleikur."

Túfa kom Vestra yfir seint í fyrri hálfleik. „Frábær sending, frábært hlaup frá mér og ég skoraði. Allt liðið vinnur fyrir mörkunum okkar og ég er bara sá sem skoraði. Kannski skora ég aftur í næsta leik, en það eina sem skiptir máli er að við náum í góð úrslit og komumst upp í Bestu."

„Ég var ekki stressaður, ég hef spilað marga mikilvæga leiki og það snýst allt um hausinn á þér. Ef þú ert tilbúinn í höfðinu... þú þarft að lifa af með tíu leikmenn inn á, það skiptir engu máli hvernig leikurinn er að þróast."

Vestri var ekki lengi manni færri. Bjarni Þór Hafstein í liði Fjölnis sparkaði í Túfa og fékk að líta rauða spjaldið um miðbik seinni hálfleiks. Hvernig upplifði Túfa það?

„Leikmaðurinn sparkaði í mig og ég lenti á höfðinu. Mér svimaði smá í nokkrar mínútur og þeir tóku ákvörðun að ég færi af velli. Núna líður mér vel."

„Ég veit ekki af hverju hann sparkaði í mig, þetta var bara návígi, ég ýtti í hann, hann ýtti í mig og kannski var hann pirraður af því þeir voru að tapa. Menn geta misst hausinn, það er hluti af fótbolta. Ég var hissa, en ég get ekki stýrt því hvað hann gerir," sagði Túfa.

Viðtalið í heild sinni má sjá í spilaranum efst.