Varnarmaðurinn þaulreyndi Jonny Evans var í byrjunarliði Manchester United og lagði upp eina mark leiksins í 0-1 sigri Rauðu djöflanna gegn Burnley á laugardaginn.
Evans þekkir mjög vel til innan herbúða Man Utd eftir að hafa alist upp hjá félaginu og spilað um 200 leiki fyrir aðalliðið. Hann var spurður út í hvernig það væri að starfa undir stjórn Erik ten Hag, sem hefur lent upp á kant við Cristiano Ronaldo og Jadon Sancho frá komu sinni til félagsins.
„Ég hef upplifað ýmislegt í gegnum árin hjá Man United," sagði Evans, sem hefur meðal annars unnið þrjá úrvalsdeildartitla og Meistaradeild Evrópu með félaginu. „Ef maður vill komast á toppinn þá þarf maður að ganga í gegnum ýmislegt og leiðin er ekki bein heldur fer hún upp og niður. Það mikilvægasta er að kunna að takast á við bakslög.
„Man Utd er stórkostlegt félag sem vill alltaf vera að berjast í toppbaráttunni og stjórinn er að gera flotta hluti hérna. Ég er stuðningsmaður Man Utd og hef fylgst vel með liðinu á undanförnum árum, ég fór á báða úrslitaleikina í fyrra. Eins og ég segi, þá tel ég stjórann vera að gera góða hluti hérna."
Man Utd náði flottum árangri á fyrstu leiktíð Erik ten Hag en liðið er að lenda í miklu basli strax á upphafi nýrrar leiktíðar, þar sem vandræði jafnt innan sem utan vallar hafa sett strik í reikninginn.
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Liverpool | 38 | 25 | 9 | 4 | 86 | 41 | +45 | 84 |
| 2 | Arsenal | 38 | 20 | 14 | 4 | 69 | 34 | +35 | 74 |
| 3 | Man City | 38 | 21 | 8 | 9 | 72 | 44 | +28 | 71 |
| 4 | Chelsea | 38 | 20 | 9 | 9 | 64 | 43 | +21 | 69 |
| 5 | Newcastle | 38 | 20 | 6 | 12 | 68 | 47 | +21 | 66 |
| 6 | Aston Villa | 38 | 19 | 9 | 10 | 58 | 51 | +7 | 66 |
| 7 | Nott. Forest | 38 | 19 | 8 | 11 | 58 | 46 | +12 | 65 |
| 8 | Brighton | 38 | 16 | 13 | 9 | 66 | 59 | +7 | 61 |
| 9 | Bournemouth | 38 | 15 | 11 | 12 | 58 | 46 | +12 | 56 |
| 10 | Brentford | 38 | 16 | 8 | 14 | 66 | 57 | +9 | 56 |
| 11 | Fulham | 38 | 15 | 9 | 14 | 54 | 54 | 0 | 54 |
| 12 | Crystal Palace | 38 | 13 | 14 | 11 | 51 | 51 | 0 | 53 |
| 13 | Everton | 38 | 11 | 15 | 12 | 42 | 44 | -2 | 48 |
| 14 | West Ham | 38 | 11 | 10 | 17 | 46 | 62 | -16 | 43 |
| 15 | Man Utd | 38 | 11 | 9 | 18 | 44 | 54 | -10 | 42 |
| 16 | Wolves | 38 | 12 | 6 | 20 | 54 | 69 | -15 | 42 |
| 17 | Tottenham | 38 | 11 | 5 | 22 | 64 | 65 | -1 | 38 |
| 18 | Leicester | 38 | 6 | 7 | 25 | 33 | 80 | -47 | 25 |
| 19 | Ipswich Town | 38 | 4 | 10 | 24 | 36 | 82 | -46 | 22 |
| 20 | Southampton | 38 | 2 | 6 | 30 | 26 | 86 | -60 | 12 |
