Róbert var ánægður með spilamennskuna þrátt fyrir tap
Róbert Jóhann Haraldsson, þjálfari Grindavíkur var ánægður með spilamennsku síns liðs þrátt fyrir 3-0 tap Grindavíkur gegn Val í kvöld.
„Fyrri hálfleikurinn var eins og við lögðum upp með. Bakka og leyfa Völsurum að halda boltanum og reyna sækja hratt en við fengum reyndar ekki margar sóknir í fyrri hálfleik. Ég var ánægður með hreyfinguna á vörninni og varnarvinnunni. Það var svolítið skítt að fá á sig mark í byrjun seinni hálfleiks sem breytti þessu aðeins en við héldum áfram að leyfa þeim að stjórna leiknum. Svo þegar þær gera mark númer tvö, þá var þetta svo sem nánast búið,“ sagði Róbert eftir leik.
Grindavík fékk fá færi í kvöld en þrátt fyrir það hefði liðið getað sett inn eitt mark í þessum leik og voru þær nálægt að skora undir lok leiksins.
„Við erum alltaf að skapa okkur svona hálffæri og einstaka dauðafæri en það vantar herslumuninn að nýta það. Við bara höldum áfram og þá kemur það í rólegheitunum.“
Guðrún Bentína Frímansdóttir og Sara Hrund Helgadóttir, tvær af lykilleikmönnum Grindavíkur voru ekki með í kvöld líkt og í síðustu leikjum. Róbert telur að sumarið sé búið hjá þeim vegna meiðsla.
„Það lýtur út fyrir það. Ég reyni að einbeita mér að því sem ég er með í höndunum. Thaisa er búin að vera frá í allt sumar en eftir að maður fór að hugsa um það sem maður er með í höndunum þá fór að ganga aðeins betur. Ég er mjög ánægður með margt en auðvitað erum við líka með margt ólært.“
„Fyrri hálfleikurinn var eins og við lögðum upp með. Bakka og leyfa Völsurum að halda boltanum og reyna sækja hratt en við fengum reyndar ekki margar sóknir í fyrri hálfleik. Ég var ánægður með hreyfinguna á vörninni og varnarvinnunni. Það var svolítið skítt að fá á sig mark í byrjun seinni hálfleiks sem breytti þessu aðeins en við héldum áfram að leyfa þeim að stjórna leiknum. Svo þegar þær gera mark númer tvö, þá var þetta svo sem nánast búið,“ sagði Róbert eftir leik.
Grindavík fékk fá færi í kvöld en þrátt fyrir það hefði liðið getað sett inn eitt mark í þessum leik og voru þær nálægt að skora undir lok leiksins.
„Við erum alltaf að skapa okkur svona hálffæri og einstaka dauðafæri en það vantar herslumuninn að nýta það. Við bara höldum áfram og þá kemur það í rólegheitunum.“
Guðrún Bentína Frímansdóttir og Sara Hrund Helgadóttir, tvær af lykilleikmönnum Grindavíkur voru ekki með í kvöld líkt og í síðustu leikjum. Róbert telur að sumarið sé búið hjá þeim vegna meiðsla.
„Það lýtur út fyrir það. Ég reyni að einbeita mér að því sem ég er með í höndunum. Thaisa er búin að vera frá í allt sumar en eftir að maður fór að hugsa um það sem maður er með í höndunum þá fór að ganga aðeins betur. Ég er mjög ánægður með margt en auðvitað erum við líka með margt ólært.“
Athugasemdir
