Guðni Eiríksson
„Stjarnan var mjög klínísk i því hvernig þær nýttu færin sín og refsuðu okkur þannig. En mér finnst leikurinn í fyrri hálfleik fara fram á vallarhelmingi Stjörnunar.“ Sagði Guðni Eiríksson þjálfari FH eftir 3-2 tap FH gegn Stjörnunni á Samsungvellinum í kvöld.
Lestu um leikinn: Stjarnan 3 - 2 FH
FH liðinu gekk vel að halda í boltann á miðsvæðinu og stýrði umferðinni þar að stærstum hluta leiksins. Þrátt fyrir það gekk þeim mjög illa framan af leik að skapa sér nokkuð sem heitið gat afgerandi marktæki og var refsað fyrir það en Stjarnan komst í 3-0 í leiknum. Hvað veldur því að liðinu gekk jafn illa að skapa færi og raun bar vitni í kvöld?
„Svo sem gömul saga og ný að síðasti þriðjungur hefði mátt vera betri. Ég get ekki kvartað undan neinu, framlagi eða vinnusemi, krafti og áræðni í liðinu. Mér fannst þær pressa Stjörnuliðið mjög vel hátt uppi. Þær sköpuðu sér ekki mörg færi. Hvað fengu þær margar hornspyrnur í leiknum? Tvær? Eina?“
FH liðinu var af flestum spáð falli fyrir mót en afsannaði allar hrakspár og hóf í dag leik í efri hluta deildarinnar sem nú hefur verið skipt. Getur verið að stelpurnar séu orðnar saddar eftir tímabilið til þessa og þægindaramminn of stór?
„Ef það hefði verið raunin hefðum við legið til baka hér í dag og leyft Stjörnunni að koma á okkur. Verið þéttar og varist og dælt löngum boltum fram. Það var ekki upplegg FH liðsins í dag sem að keyrði á andstæðinginn og lið sem gerir það er hungrað.“
Athugasemdir
