Davíð Þór Viðarsson
Það var nokkuð létt yfir fyrirliða FH eftir sigur liðs hans gegn Grindavík fyrr í dag. FH hafði fyrir leikinn tapað tveimur leikjum í röð og má því segja að sigurinn og stiginn þrjú hafi verið gríðarlega mikilvæg fyrir liðið.
Lestu um leikinn: FH 2 - 1 Grindavík
„Já þetta voru mjög mikilvæg þrjú stig og við urðum eiginlega að vinna í dag til að vera ekki of langt á eftir liðunum í efstu sætunum þannig að þetta var mjög mikilvægt og við fögnum þessum stigum vel og innilega."
Grindvíkingar settu mikla pressu á FH undir restina þar sem FH liðið hefur verið gjarnt á að fá á sig mörk undir lok leikja spurði fréttaritari hvort stress hafi verið komið í Davíð undir lok leiks.
„Já ég held að það sé óhætt að segja það þeir voru hættulegir í lokin og voru mikið með boltann og við náðum ekki halda í boltann þegar við þá fengum hann en að því sögðu þá vörðumst við ágætlega, þeir sköpuðu sér ekki mikið af færum og það er kannski það jákvæða sem við getum tekð úr þessum leik sem og þrjú stigin."
Sagði Davíð Þór Viðarsson fyrirliði FH en nánar er rætt við hann í spilaranum hér að ofan.
Athugasemdir
