Já algjörlega ég er sáttur. Mér finnst vera góður stígandi í þessu hjá okkur og við erum að byggja á góðum frammistöðum undanfarið og áttum mjög góðan leik hér í dag og solid frammistaða og sanngjarn sigur sagði glaður Jón Þórir Sveinsson þjálfari Fram eftir 2 - 1 sigur á Stjörnunni í kvöld.
Lestu um leikinn: Fram 2 - 1 Stjarnan
Já maður hefði kosið að halda hreinu en Stjörnumenn eru hættulegir og þeir náðu að búa til eitt mark og setja spennu í þetta síðustu tíu mínúturnar en við vorum klárir og kláruðum þetta.
Vonandi þetta gefi góð fyrirheit fyrir framhaldið. Við erum með gott og öflugt lið og höldum bolta vel og það voru kaflar í þessum leik sem voru algjörlega stórkostlegir og stórkostleg frammistaða af okkar hálfu. Við viljum hafa þá lengri og betri og fá fleiri mörk og nýta kannski færin og sénsana til að koma okkur í betri færi. Vorum klaufar að vera ekki búnir að klára leikinn þegar Stjarnan kemur sér inn í hann með einu marki.
Mér fannst við komast í stöðu til þess að skora fleiri mörk en tvö dugði í dag þannig að þá skiptir það engu máli.
Ég hvorki les né horfi mikið á umfjöllunina þannig að ég veit svo sem ekki alveg hvað var verið að ræða um okkur. Við vitum alveg fyrir hvað við stöndum og hvaða gæði við höfum þannig að það getur vel verið að það hafi verið eitthvað umtal en ég gat ekki fundið fyrir því á neinn hátt.
Nánar er rætt við Jón í sjónvarpinu hér að ofan.
