ÍBV töpuðu í dag á heimavelli fyrir Keflavík 1-3 og sitja í 4.sæti deildarinnar eftir 15 umferðir.
Lestu um leikinn: ÍBV 1 - 3 Keflavík
„Þetta er mikið svekkelsi, mér fannst við spila mjög vel úti á vellinum. Vorum að skapa okkur góðar stöður. Það vantaði aðeins á síðusta þriðjungi meiri græðgði til að skora mörkin, því fór sem fór, við spiluðum ansi vel á köflum en fengum litið fyrir það ".
Tómas Bent sem var búinn að standa sig vel hjá ÍBV hefur ekki verið með í síðustu leikjum eftir meiðsli gegn Fram í bikarnum.
„Hann meiddist í leiknum gegn Fram og verður það eitthvað áfram, það eru ennþá einhverjar vikur í að hann komi aftur".
ÍBV fékk miðjumanninn Jack Lambert í glugganum en hann hefur ekki ennþá komið við sögu hjá liðinu.
„Hann kemur fljótlega, hann er bara að sína sóttkví, eins og þegar allir erlendir leikmenn koma til landsins og svo verður hann vonandi fljótt klár hjá okkur
ÍBV á tvo heimaleiki framundan gegn Leikni Fáskrúðsfirði og Þór Akureyri.
„Auðvitað er svekkelsi núna að hafa tapað þessum leik, en við vorum að spila mjög vel á köflum. En við fáum lítið fyrir það og það er bara ekki nóg. Það eru mörkin sem telja í þessu."
Athugasemdir
