Rúnar Kristinsson lét Helga Mikael Jónasson dómara heyra það í hálfleik þegar KR heimsótti FH í undanúrslitum bikarsins í kvöld. Hann var meðal annars ósáttur með vítaspyrnudóminn sem gerði það að verkum að FH skoraði fyrsta markið.
En hvað sagði Rúnar við Helga Mikael í hálfleiknum?
En hvað sagði Rúnar við Helga Mikael í hálfleiknum?
Lestu um leikinn: FH 3 - 1 KR
„Ef að einhver datt þá var dæmt. Ég sagði honum að þetta væri fótboltaleikur og snertingar væru leyfðar. Mér fannst fremstu menn hjá þeim, fyrir utan Beck, henda sér niður. Þeir lágu meira á vellinum en þeir stóðu og það var alltaf flautað. Mér fannst léleg lína í fyrri hálfleik en hún var betri í seinni. Í þessari vítaspyrnu var varla snerting," segir Rúnar.
Í viðtalinu hér að ofan fer hann nánar yfir gang leiksins og er líka spurður út í meiðsli Arnþórs Inga Kristinssonar sem fór meiddur af velli á börum.
„Þetta er einhver snúningur á ökklanum og vonandi verður hann ekki lengi frá. Hann er harður af sér."
KR-ingar eru með sjö stiga forystu í Pepsi Max-deildinni og einbeita sér nú að því að sigla Íslandsmeistaratitlinum í höfn.
„Við ætlum bara að undirbúa næsta leik, það er bara okkar verkefni. Við þurfum að halda áfram. Það eru sex leikir eftir í deildinni og við ætlum að njóta þeirra," segir Rúnar.
Athugasemdir