„Þetta er mikið svekkelsi að tapa hérna í dag,. Þetta var svosem stál í stál leikur, menn lögðu mikið í þetta og mér fannst við ekki verðskulda tap í dag en sagan okkar í sumar hefur verið að okkur hefur gengið illa að skora og við fengum vissulega möguleika til þess í dag. Við þurfum að fara að nýta okkar möguleika fram á við betur til þess að ná í betri úrslit," voru fyrstu viðbrögð Ásmundar Arnarssonar, þjálfara Fjölnis, eftir 2-1 tap gegn Gróttu á Seltjarnarnesinu í kvöld.
Lestu um leikinn: Grótta 2 - 1 Fjölnir
Michael Bakare spilaði sinn fyrsta leik á Íslandi í dag og átti hann góðan leik en hann var valinn næstbesti leikmaður vallarins í kvöld.
„Frammistaðan hans var mjög fín, fyrsti leikur og hann er aðeins að komast inn í þetta en hann lofar góðu."
Ási tilkynnti það í viðtalinu að þetta hafi verið seinasti leikur hins unga Hilmis Rafns fyrir Fjölni.
„Þetta var síðasti leikurinn hans Hilmis fyrir okkur í sumar. Hann er á förum til Venezia í vetur."
Jóhann Árni Gunnarsson hefur verið lykilmaður í liði Fjölnis og hefur fengið fyrirliðabandið á tímabilinu en hann var utan hóps í dag. Ási ákvað ekkert að flækja hlutina með svarinu sínu.
„Smávægileg meiðsli."
Viðtalið í heild sinni má finna í sjónvarpinu hér að ofan
