Fjölnir tók öll 3 stigin gegn Grindvíkingum í frábærum markaleik á Extra-vellinum fyrr í kvöld. Fjölnir lenti í tvígang undir en þeir sýndu mikinn karakter í að koma til baka og sigra leikinn.
Lestu um leikinn: Fjölnir 4 - 3 Grindavík
„Það er mikil gleði og léttir að hafa unnið leikinn. Bara risastórt hrós á mína menn fyrir að sýna gríðarlegan karakter, við byrjuðum báða hálfleika mjög illa, við fáum á okkur mark úr föstum leikatriði og svo er þetta nánast tvö eins mörk sem við fáum á okkur. Þá er mikilvægt að sýna karakter og koma til baka."
Guðmundur Þór Júlíusson var ekki með í dag og Fjölnir fékk 3 mörk á sig.
„Það gæti verið eitthvað óöryggi að við missum einn úr varnarlínunni og þurfum að gera breytingar en sá sem kom inn í vörnina stóð sig vel í dag. Alltaf svekkjandi að fá mörk úr föstum leikatriðum á sig. Ég er mjög fúll með hin 2 mörkin þar sem þeir flengja honum 30-40 metra diagonal sendingar"
Viðtalið má sjá í heild sinni hér að ofan.
Athugasemdir