Bojana Besic, þjálfari KR, var ánægð með frammistöðu lærlinga sinna í úrslitaleik Reykjavíkurmótsins gegn Val.
KR tapaði 3-1 en sýndi góða baráttu og hefði getað potað inn öðru marki.
KR tapaði 3-1 en sýndi góða baráttu og hefði getað potað inn öðru marki.
„Ég er rosalega ánægð með mínar stelpur, við fórum eftir plani og ég vil bara óska Valsstelpunum fyrir flotta spilamennsku og góðan sigur. Til hamingju með titilinn," sagði Bojana eftir leikinn.
„Við ætluðum bara að loka svæðum og sækja hratt fram, þannig þetta var fínt að mörgu leyti. Við misstum orkuna aðeins niður í síðari hálfleik, það var kannski þreyta."
KR missti Betsy Hassett af velli þegar stundarfjórðungur var eftir og segir Bojana að leikurinn hafi breyst við það.
„Svo meiddist lykilleikmaður hjá okkur, hún Betsy, og leikurinn breyttist mikið. Hún er að fara með sjúkrabíl uppá spítala í skoðun og það mun koma í ljós hversu alvarleg meiðslin eru."
Bojana segist vera spennt fyrir komandi sumri og ætlar að bæta leikmönnum við hópinn fyrir sumarið.
„Við erum fínan hóp, við erum með góða blöndu af reynslumiklum og ungum leikmönnum. Þetta er góð blanda og ég er mjög spennt fyrir sumrinu."
Athugasemdir
