Ólafur Ingi var maður leiksins í dag
Ólafur Ingi Skúlason, fyrirliði Fylkis, var maður leiksins þegar að hans menn gerðu 1-1 jafntefli við KR í næstsíðustu umferð Pepsi-deildar karla. Jafnteflið dugði jafnframt til að tryggja áframhaldandi veru Fylkis í Pepsi-deildinni.
„Þetta eru frábær úrslit. Við lögðum leikinn upp að vera þéttir til baka og reyna að ná í eitthvað í dag. Við sýndum frábæran karakter að koma til baka eftir að hafa lent undir." sagði Óli eftir leik.
„Þetta eru frábær úrslit. Við lögðum leikinn upp að vera þéttir til baka og reyna að ná í eitthvað í dag. Við sýndum frábæran karakter að koma til baka eftir að hafa lent undir." sagði Óli eftir leik.
Lestu um leikinn: KR 1 - 1 Fylkir
Fylkismenn spiluðu agaðan og þéttan varnarleik sem að KR-ingar áttu engin svör við í fyrri hálfleik en Fylkismenn fengu gott færi til að leiða í leikhléi.
„Mér fannst þeir ekkert skapa sér mörg færi á móti okkur í dag og við fengum bestu færin í fyrri hálfleik. En við sýndum frábæran karakter og náðum í mikilvægt stig og héldum okkur uppi í dag."
Seinni hálfleikurinn einkenndist af mikilli baráttu og var Ólafur Ingi í aðalhlutverki þar.
„Það var kraftur í báðum liðum og þetta var bara barátta. Það má alveg vera smá læti hérna og KR-ingar eru ekkert yfir það hafnir. Mér fannst þeir væla óvenju mikið í dag. Það má alveg taka á þeim eins og þeir taka á okkur." sagði Óli um baráttuna í leiknum.
Nánar er rætt við Ólaf Inga í spilaranum að ofan.
Athugasemdir
