Hallgrímur Jónasson þjáfari KA
„Það er langt síðan ég hef verið svona stressaður á bekknum. Mér fannst þessi leikur ótrúlega opinn og þetta hefði getað verið 8-8. Ég er gríðarlega ánægður með að hafa unnið og karakterinn í strákunum sem héldu alltaf áfram þrátt fyrir að hafa fengið nokkur högg í leiknum.“ Sagði Hallgrímur Jónasson þjálfari KA um sigur hans manna á Keflavík suður með sjó fyrr í kvöld í hreint ótrúlegum fótboltaleik en lokatölur urðu 4-3 KA í vil.
Lestu um leikinn: Keflavík 3 - 4 KA
Fyrir leikinn í kvöld hafði liði KA gengið afleitlega á útivelli í deildinni og gengið erfiðlega að skora mörk þar sömuleiðis. Það breyttist svo sannarlega í kvöld. Hvernig stóð á þessu markaflóði í kvöld?
„Ég veit það ekki, undanfarið höfum við alveg verið að skora en svona opinn leikur. Við erum að keppa á þremur vígstöðvum og þurfum að dreifa aðeins álaginu á hópinn og þá eru sumir hlutir eins og taktík og samband milli manna ekki upp á sitt besta. Það vissi ég alveg fyrir leikinn en hann var samt heldur opinn að mínu mati en þó skemmtilegri fyrir áhorfendur.“
Það vakti athygli í leiknum að Bjarni Aðalsteinsson sem skoraði fyrstu tvö mörk KA í leiknum var þegar á leið færður í miðvörðinn þegar leið á leikinn. Var Bjarni eitthvað búinn að ræða þá breytingu við Hadda?
„Það er ekki hægt að láta hann skora þrjú. Nei við erum í smá hafsentaveseni. Rodri er meiddur og Ívar meiðist í leiknum og ég er bara með Dusan. Bjarni hefur leyst þessa stöðu t.d gegn Connors Quay úti þannig að maður reynir bara að gera það sem maður getur og droppa mönnum í þá stöðu. Bjarni gerði það í dag og gerði sitt besta og ég er gríðarlega ánægður með hann.“
Sagði Haddi en allt viðtalið má sjá hér að ofan.
Athugasemdir
