Eins og flestir vita var Suarez dæmdur fyrir að vera með kynþáttaníð í garð Evra og þurfti að afplána átta leikja bann. Suarez neitaði svo að taka í höndina á Evra fyrir seinni leik liðanna á síðasta tímabili.

Hugmyndir Fowler eru á þann veg að Suarez myndi leggja blómsveig fyrir framan stuðningsmenn Manchester United til minningar um þá sem létust í München-flugslysinu. Að sama skapi myndi Evra minnast þeirra sem létu lífið í Hillsborough-slysinu með því að leggja blómsveig fyrir framan Kop-stúkuna.

Það má búast við mögnuðu andrúmslofti á Anfield á sunnudag. Allir stuðningsmenn Manchester United sem mæta á leikinn munu fá í hendurnar bréf frá Sir Alex Ferguson þar sem hann ítrekar að allir ætli að taka höndum saman til að minnast þeirra sem létust.

Smelltu hér til að lesa bréfið frá Ferguson.