„Þetta var ekki góð frammistaða, að er óhætt að segja það og mikil vonbrigði," sagði Ólafur Jóhannesson þjálfari Vals eftir 2 - 1 tap gegn ÍBV í Vestmannaeyjum í dag.
Lestu um leikinn: ÍBV 2 - 1 Valur
Sjáðu viðtalið í heild sinni í sjónvarpinu að ofan
„Það er margt sem greinilega er að hjá okkur og hlutirnir ganga ekki upp. Við skoruðum snemma í leiknum en næsta hálftímann fannst mér við ekki vera með í leiknum. Svo fannst mér við ágætir síðasta korterið. Svo fengum við nóg af færum til að jafna leikinn en svona er þetta stundum. Stundum ganga hlutirnir ekki upp."
Gary Martin skoraði bæði mörk ÍBV í leiknum í dag en hann byrjaði tímabilið með Val áður en Óli lét hann fara.
„Það pirrar mig ekki, ég er búinn að vera svo lengi í fótbolta. Gerði hann þetta ekki uppi á skaga um daginn, þá spurði enginn að því. Þetta er bara algengt um fótbolta."
„Mörkin eru bara mjög aulaaleg mistök því miður."
Óli átti aðdáanda í stúkunni í eyjum en mikið var kallað á hann af stuðningsmanni ÍBV allan leikinn.
„Ég hef alltaf átt góða vini í Vestmannaeyjum og finnst gaman að spila hérna. Það er sorglegt að sjá þetta lið fara niður og ég held að fólk hérna í Vestmannaeyjum ætti að líta meira í eigin barm og athuga hvað er að hjá þeim heldur en að fagna of mikið sigri á móti Val. Það eru stærri mál hérna í gangi en það."
Óli hafði sagt í síðasta viðtali að Valur hafi ekki enn boðið sér nýjan samning þó svo hann renni út í haust. Hann vill vera áfram hjá félaginu.
„Ég á mánuð eftir af samningnum en við ætlum að setjast niður á morgun og fara yfir þá hluti. Ég vil vera áfram og það er ekki spurning um það. Við setjumst niður á morgun eða hinn og ræða hlutina."
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir