„Ég er svekktur að hafa ekki unnið en af því sögðu þá áttum við það ekkert skilið, jafntefli voru bara sanngjörn úrslit en það er bara mjög pirrandi að hafa samt ekki unnið þennan leik því okkur langaði að vinna þennan leik." sagði Úlfur Arnar Jökulsson eftir 0-0 jafnteflið í Safamýrinni í kvöld þegar liðið heimsótti Kórdrengi.
Lestu um leikinn: Kórdrengir 0 - 0 Fjölnir
„Við fáum eitt færi og þeir fá eitt færi þannig ég held jafntefli séu sanngjörn úrslit, þetta var bara leiðinlegur leikur, lítið að frétta og já þetta var bara leiðinlegur leikur"
Úlfur Arnar Jökulsson var spurður út í framhaldið í deildinni en liðið situr í þriðja sæti deildarinnar með 24.stig.
„Við ætlum að fara í hvern einasta leik og berjast fyrir hverjum einasta sigri sem er í boði og það er það sem ég hef talað um í allt sumar að það er bara næsti leikur og reyna standa sig vel í hverjum einasta leik og það er það eina sem við erum að hugsa um. Langtímamarkmið hjá Fjölni er að búa til fótboltalið sem Grafarvogsbúar geta verið stolltir af, lið sem er gaman að horfa á og lið í efstu deild, hvenar það verður er spurning en það er ekki hvort heldur hvenar."
Viðtalið í heild sinni má sjá í sjónvarpinu hér að ofan.
