Marín, 22 ára, er uppalinn hjá Real Madrid og var mikilvægur hlekkur fyrir varalið félagsins áður en hann var lánaður til Alavés.

Marín er partur af U21 landsliði Spánverja og á í heildina 21 leik að baki fyrir yngri landsliðin.

Hann er annar leikmaðurinn sem Napoli fær í sumar eftir að Leonardo Spinazzola kom til félagsins á frjálsri sölu frá Roma.

Napoli greiðir um 12 milljónir evra fyrir Marín og heldur Real Madrid endurkaupsrétti á leikmanninum, sem hljóðar upp á 25 til 35 milljónir evra.

Þá er félagið einnig að krækja í Alessandro Buongiorno frá Torino en hann mun kosta um 38 milljónir evra. Antonio Conte, nýr þjálfari Napoli, er gríðarlega hrifinn af Buongiorno og hefur sett kaup á leikmanninum í forgang.