Fótbolti.net

„Myndi ekki vilja fara aftur upp á geðheilsuna“

17 ára á toppnum í Danmörku - „Finnst ég vera á sama getustigi ef ekki betri“

Ísak Andri tók fund með meisturunum - „Skoða alla möguleika núna í janúar“

Fótbolta nördinn - Draumaliðið vs KR

Kristall Máni: Hef alltaf vitað að fótboltahæfileikarnir hverfa ekki

Jóladagatalið: Stólar fullir af hálfvitum

Jóladagatalið: „Vonandi hefur Gummi Ben eitthvað lært af þessu“

Kominn í grænt eftir eitt tímabil í Svíþjóð - „Eftir það tók ég ákvörðun um að fara annað“

Ætlaði ekki að koma heim - „Þegar ég talaði við Óskar lá þetta fyrir“

Jóladagatalið: Kristján Óli eftir að hafa skorað ljótasta markið á ferlinum

Jóladagatalið: Auðunn Blöndal og Gaui Þórðar í geitungavandræðum

Ísak bendir á augljóst vandamál: Erum ekki nógu góðir þar

Jóladagatalið: Allir á þjóðhátið, það er skylda hjá mér!

Æfingaleikur: Aron Kristófer skoraði frá miðju gegn Leikni

Jóladagatalið: Þið vitið aldrei neitt um okkur

„Láki tengdi okkur við góðan mann erlendis"

Ævintýraþjálfari Völsungs: Þegar þú ferðast um heiminn verður þú að taka ákvarðanir hratt

Ólafur Ingi: Heilt yfir stoltur en fannst við vera pínu klaufar

Margt í gangi í hausnum á Damir fyrir leikinn - „Spurðu þá sem stjórna klúbbnum“

Höskuldur: Þau eru ekkert verðugri en við að vera þarna

þri 17. október 2017 19:31

Mist Rúnarsdóttir
Wiesbaden

Gugga um Þýskaland: Hægt að velja tíu góð landslið

Gugga er mætt til Þýskalands þar sem íslenska landsliðsins bíður krefjandi verkefni

Mynd: Fótbolti.net - Hafliði Breiðfjörð

Íslenska landsliðið er mætt til Wiesbaden í Þýskalandi en framundan eru tveir gríðarlega mikilvægir leikir í undankeppni Heimsmeistaramótsins. Ísland mætir heimakonum í Þýskalandi hér í Wiesbaden á föstudag og á í kjölfarið leik gegn Tékklandi í Znojmo þriðjudaginn 24. október.

Við hittum markvörðinn Guðbjörgu Gunnarsdóttur á liðshóteli Íslands fyrr í dag en hún á von á hörkuleikjum.

„Þetta eru erfiðustu liðin í riðlinum og það erfiðasta núna á föstudaginn,“ sagði Gugga sem hafði það frekar náðugt í 8-0 sigrinum á Færeyjum í fyrsta leik undankeppninnar en reiknar með að vera í stærra hlutverki í næsta verkefni.

„Ég býst við allt öðruvísi leik en ef við spilum góðan varnarleik þá þarf ekki að vera að það verði alltof mikið að gera. En ég geri ráð fyrir því að það verði svolítið meira að gera en í síðasta leik“

Við spurðum Guggu út í þýska liðið sem er í öðru sæti á heimslistanum og hefur orðið heimsmeistari í tvígang.

„Þær eru í geggjuðu formi. Þær eru Þýskaland. Þær eru vélmenni. Þær eru með geggjað lið og eiga að vinna þennan riðil. Þær eru kandídatar í að vinna HM. Það er mikil áskorun fyrir okkur að fá að mæta þeim á útivelli og sjá hvar við stöndum.“

Þónokkur endurnýjun hefur orðið á þýska liðinu að undanförnu en Gugga segir að úrvalið af öflugum knattspyrnukonum í Þýskalandi sé gríðarlega mikið og nægur efniviður til að taka við keflinu í breyttu liði.

„Það er nægur efniviður í Þýskalandi og það er hægt að velja að minnsta kosti tíu góð landslið sem myndu öll vera á háum standard.“

Gugga spilaði með þýska stórliðinu Turbine Potsdam fyrri hluta árs 2013 og við spurðum hana að lokum út í upplifun sína af þýska boltanum samanborið við aðrar deildir sem hún hefur spilað í.

„Þetta var miklu harðari heimur. Ég var reyndar kannski í öfgafyllri aðstæðum en gengur og gerist í dag. Hjá Potsdam voru stundum þrjár æfingar á dag og þetta var pínu survival of the fittest. Ef þú lifðir af vikuna fékkstu að spila um helgina,“ sagði Gugga meðal annars en hægt er að horfa á allt viðtalið við hana í spilaranum hér að ofan.