Benedikt Warén er leikmaður umferðarinnar.
Andi Hoti var frábær í vörn Leiknis.
Dagur Ingi Hammer Gunnarsson.
Hlynur Sævar Jónsson.
19. umferð Lengjudeildarinnar kláraðist á laugardag og leikar eru aftur að æsast á toppnum. ÍA vann Selfoss 1-0 en Afturelding tapaði á heimavelli gegn Leikni. Hörð barátta um toppsæti deildarinnar en Skagamenn hafa jafnað Mosfellinga að stigum. Afturelding er á toppnum á markatölu.
Leikmaður umferðarinnar:
Benedikt V. Warén
„Síógnandi á vinstri kantinum og var viðloðandi flestar sóknir Vestra í dag. Kórónaði góða frammistöðu sín með marki sem kláraði leikinn," skrifaði Jón Ólafur Eiríksson um Benedikt Warén í skýrslu sinni um 3-1 sigur Vestra gegn Fjölni. Benedikt er leikmaður umferðarinnar en með sigrinum tók Vestri stórt skref í átt að úrslitakeppninni.
Leikmaður umferðarinnar:
Benedikt V. Warén
„Síógnandi á vinstri kantinum og var viðloðandi flestar sóknir Vestra í dag. Kórónaði góða frammistöðu sín með marki sem kláraði leikinn," skrifaði Jón Ólafur Eiríksson um Benedikt Warén í skýrslu sinni um 3-1 sigur Vestra gegn Fjölni. Benedikt er leikmaður umferðarinnar en með sigrinum tók Vestri stórt skref í átt að úrslitakeppninni.
Gustav Kjeldsen skoraði tvö mörk fyrir Vestra í leiknum og er einnig í liði umferðarinnar. Hlynur Sævar Jónsson skoraði sigurmark ÍA sem vann Selfoss 1-0. Árni Marinó Einarsson markvörður ÍA kom í veg fyrir að Selfoss næði að jafna leikinn.
Varnarlína Leiknis var frábær í 2-0 sigrinum gegn Aftureldingu. Andi Hoti var valinn maður leiksins og Patryk Hryniewicki var einnig hrikalega öflugur. Þá er Vigfús Arnar Jósefsson þjálfari umferðarinnar.
Grindavík vann Ægi 7-2. Dagur Ingi Hammer Gunnarsson skoraði tvö mörk og var sífellt ógnandi. Edi Horvat lék síðasta hálftímann og skoraði einnig tvö mörk. Með þessum úrslitum féll Ægir formlega niður í 2. deild en Grindvíkingar halda vonum sínum um úrslitakeppnina á lífi.
Oumar Diouck og Rafael Victor voru frábærir í 3-0 útisigri Njarðvíkur gegn Þór. Njarðvík vann sinn fimmta sigur í sjö leikjum undir stjórn Gunnars Heiðars Þorvaldssonar og Victor, sem skoraði fyrsta mark leiksins, er í úrvalsliðinu í fimmta sinn í síðustu sex umferðum.
Þróttur fékk stig gegn Gróttu, 2-2 enduðu leikar, og Selfoss er í fallsæti með lakari markatölu en Þróttarar. Kristófer Orri Pétursson skoraði bæði mörk Gróttu.
Lið umferðarinnar:
18. umferð - Hans Viktor Guðmundsson (Fjölnir)
17. umferð - Viktor Jónsson (ÍA)
16. umferð - Gísli Laxdal Unnarsson (ÍA)
15. umferð - Omar Sowe (Leiknir)
14. umferð - Viktor Jónsson (ÍA)
13. umferð - Elmar Kári Cogic (Afturelding)
12. umferð - Daníel Finns Matthíasson (Leiknir)
10. umferð - Þorsteinn Aron Antonsson (Selfoss)
9. umferð - Elmar Kári Cogic (Afturelding)
8. umferð - Símon Logi Thasapong (Grindavík)
7. umferð - Arnór Gauti Ragnarsson (Afturelding)
6. umferð - Aron Elí Sævarsson (Afturelding)
5. umferð - Sigurjón Daði Harðarson (Fjölnir)
4. umferð - Axel Freyr Harðarson (Fjölnir)
3. umferð - Sam Hewson (Þróttur)
2. umferð - Valdimar Jóhannsson (Selfoss)
1. umferð - Guðjón Pétur Lýðsson (Grindavík)
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
