David de Gea.
Sir Alex Ferguson, knattspyrnustjóri Manchester United, viðurkennir að hafa tekið markvörðinn David de Gea úr liðinu í dag eftir mistökin sem hann gerði gegn Fulham í síðustu viku.
Anders Lindegaard stóð þá í marki Manchester United í fyrsta sinn á leiktíðinni í stað David de Gea þegar liðið lagði Southampton 3-2 í ensku úrvalsdeildinni.
Anders Lindegaard stóð þá í marki Manchester United í fyrsta sinn á leiktíðinni í stað David de Gea þegar liðið lagði Southampton 3-2 í ensku úrvalsdeildinni.
David de Gea sýndi góða takta í fyrsta deildarleik Manchester United gegn Everton en gerði sig sekan um slæm mistök í síðustu viku í seinna marki Fulham í 3-2 sigri.
Ferguson hefur útskýrt hvers vegna spænski markvörðurinn hafi mist sæti sitt til Lindegaard í dag en hann ætti þó að snúa aftur í liðið í næsta leik gegn Wigan.
,,David gerði stór mistök í síðustu viku, hann veit það," sagði Ferguson.
,,Hann hefur átt flottar markvörslur en þessi mistök hefðu getað kostað okkur leikinn. Hann þarf bara að læra af þessu og hann verður kominn aftur í liðið eftir landsleikjahlé."
,,Þetta var fyrsti leikur Anders. Ég held að hann hafi af og til verið aðeins stressaður en hann er líka mjög góður markvörður. Ég held að þetta sé ekkert stórmál heldur eitthvað sem þarf að takast á við."
Athugasemdir
