mið 19. júní 2019 14:30
Arnar Daði Arnarsson
Höddi löpp spáir í 8. umferðina í Inkasso
Hörður Ingi.
Hörður Ingi.
Mynd: Fótbolti.net - Hafliði Breiðfjörð
Þróttur tekur á móti Fjölni í kvöld.
Þróttur tekur á móti Fjölni í kvöld.
Mynd: Fótbolti.net - Bára Dröfn Kristinsdóttir
8. umferðin í Inkasso-deild karla hefst í kvöld með leik Þróttar R. og Fjölni í Laugardalnum. Heimamenn geta náð Fjölni á stigum með sigri í kvöld á meðan Fjölnismenn geta tyllt sér á toppinn með sigri.

Umferðin heldur síðan áfram annað kvöld og lýkur á laugardaginn með þremur leikjum. Davíð Örn Atlason leikmaður Víkings R. var með einn leik réttan í 7. umferðinni en nú er komið að Herði Inga Gunnarssyni leikmanni ÍA að spá fyrir um 8. umferðina.

Þróttur R. 2 - 3 Fjölnir (19:15 í kvöld)
Það verður samba bolti í laugardalnum, en ef Beggi Ó. drekkur græna ofurboostinn sinn í dag þá setur hann sigurmarkið og rífur sig svo úr að ofan.

Njarðvík 1 - 0 Afturelding (19:15 á morgun)
Græni herinn tekur öll stigin í þessum leik eftir að Arnar Helgi setur hann með hjólhestaspyrnu.

Haukar 2 - 0 Leiknir R. (19:15 á morgun)
Einn allra erfiðasti heimavöllur landsins, því verður þetta frekar þæginleg sigling með Rauða ljónið Óskar Sigþórsson fremstan í fylkingu.

Víkingur Ó. 3 - 1 Fram (14:00 á laugardag)
Ejub’s army lætur ekki bjóða sér það að tapa tveimur leikjum í röð á heimavelli. Fram er 1-0 yfir í hálfleik en þá tekur gamli skólinn hárblásarann í hálfleiknum og Grétar Snær setur óvænta þrennu og fagnar með undarlegum hætti.

Grótta 1 - 2 Magni (14:00 á laugardag)
Gunnar Örvar setur tvö með meðvind og leggja rútunni í seinni hálfleik og klára þetta.

Þór 2 - 1 Keflavík (16:00 á laugardag)
Toppslagur fyrir norðan en hetjan úr hverfinu Alvaro skilur milli liðanna og setur tvær neglur. Það sýður allt upp úr í lokin og Adam Pálsson fær að líta heimskulegt rautt.

Sjá fyrri spámenn:
Sindri Snær Magnússon (3 réttir)
Sigurður Egill Lárusson (3 réttir)
Björgvin Stefánsson (3 réttir)
Aron Bjarnason (2 réttir)
Davíð Örn Atlason (1 réttur)
Arnar Sveinn Geirsson (1 réttur)

Athugasemdir
banner
banner