„ Eftir þrjá sigra í röð, þá hefði ég viljað halda áfram en fín pása því Thaisa er í endurhæfingu í Bandaríkjunum, ég vona að hún komi til baka í ágúst, bara fyrir kvennaboltann er gaman að fá hana og svo erum við að fá markmann frá Brasilíu,“ sagði Róbert Haralds, þjálfari Grindavík, um landsleikjapásuna eftir góðan 2-1 sigur á Haukum í dag.
„ Ég sýndi þeim glæru í gær þar sem við erum búnar að eiga 91 skot í níu fyrstu leikjunum og skorað fimm, sem er 5,5% en ég held að prósentan hafi verið betri í dag. En og aftur hefðum við getað sett fleiri mörk og gert þetta auðveldara fyrir okkur en þetta var kærkomið,“ sagði hann um leikinn í dag, en Grindvíkingar fengu nokkra sénsa á að drepa leikinn sem þær nýttu ekki.
Grindavík er í undanúrslitum bikarsins, sem dregið verður úr á þriðjdaginn. Spurður hvort hann eigi sér draumamótherja sagði hann: „Ég held að við séum draumamótherjar allra hinna liðanna. Við erum búin að tapa stórt á móti þessum þremur liðum svo við vitum hvað við eigum að gera og hvað við eigum ekki að gera. Við erum bara að læra og þessi stóru töp á móti sterku liðunum voru lærdómsrík. Að klára þessa báða leiki 2-1, komast yfir þegar er korter tuttugu mínútur eftir og halda, alveg eins og þegar við töpuðum stórt þá höldum við og höldum áfram það skilar sér í sex stgum í hús.“
Athugasemdir
