Sverrir Ingi Ingason lék allan leikinn er PAOK lagði OFI Crete í gríska boltanum í dag.
PAOK komst yfir snemma leiks og var hart barist þar til á lokakaflanum þegar varamaðurinn Karol Swiderski kom inn af bekknum og setti tvennu.
PAOK er með átta stig eftir tvær umferðir en Ögmundur Kristinsson og félagar í Olympiakos eru einu stigi á eftir með leik til góða.
Ögmundur sat á bekknum er Olympiakos gerði jafntefli við Giannina. Leikurinn var jafn og tókst stjörnum prýddu liði Olympiakos ekki að sýna öll sín gæði.
PAOK 3 - 0 OFI Crete
1-0 El Kaddouri ('8)
2-0 Karol Swiderski ('89)
3-0 Karol Swiderski ('92)
Giannina 1 - 1 Olympiakos
1-0 G. Pamlidi ('5)
1-1 Youseff El Arabi ('51)
Í Kasakstan var Rúnar Már Sigurjónsson í byrjunarliði Astana sem tapaði toppslagnum gegn Kairat Almaty.
Þetta var annað tap Astana í röð og er liðið í öðru sæti, átta stigum frá toppnum.
Rúnar Már spilaði í 87 mínútur en hann er næstmarkahæstur í deildinni með 6 mörk í 11 leikjum á tímabilinu, flest úr vítapsyrnum.
Nói Snæhólm Ólafsson var þá ónotaður varamaður er Senica lagði Trencin að velli í Slóvakíu.
Þetta var annar sigur Senica á tímabilinu og er liðið með 8 stig eftir 9 umferðir.
K. Almaty 3 - 0 FC Astana
Trencin 0 - 1 Senica
Athugasemdir